Регионалон хайады минæвæрттимæ базонгæ цалдæр объекты куыстимæ
Цæгат Ирыстон бабæрæг кодта æнæкоммерцион иугонд «Фыдыбæстæйы æфсæддонты бинонты Комитет»-ы разамонæг Юлия Белехова. Регионалон хайады минæвæрттимæ базонгæ цалдæр объекты куыстимæ. Бабæрæг кодта Дзæуджыхъæуы æмæ Мæздæджы госпитæльтæ, стæй реабилитацион центртæ. Аныхас кодта æфсæддонтимæ, фембæлд, æдзард лæппуты æмæ æбæрæгæй чи фесæфт, уыдоны бинонтимæ. Дыууæ боны комитеты юристтæ консультацитæ кодтой республикæйы цæрджытæн. Сæрмагонд форумы та Юлия Белехова аныхас кодта æхсæнадон æмæ волонтерты организациты минæвæрттимæ, дины кусджытимæ, стæй республикон программæ «Ирыстоны Намысы» архайджытимæ. Форумы дзырдтой сæрмагонд æфсæддон операцийы архайджытæн æххуысы мадзæлттыл, æмгуыстады фарстатыл. Комитет арæзт æрцыд 3 азы размæ. Йæ хайæдтæ кусынц нæ бæстæйы алы регионты. Æртæ азмæ специалисттæ бакодтой стыр æмæ ахадгæ куыст.
