Парти «Иугонд Уæрæсе»-йы регионалон хайад арвыста 20 тонны гуманитарон æххуыс
Цæгат Ирыстон дарддæр æххуыс кæны Донбассы цæрджытæн. Парти «Иугонд Уæрæсе»-йы регионалон хайад арвыста 20 тонны гуманитарон æххуыс. Ацы хатт дзы уыди арæзтадон æрмæг. Сараздзысты дзы Донецкы æмæ Луганскы адæмон республикæты цæрæн бынæттæ æмæ социалон объекттæ. Уæзласæн машинæ уал ардыгæй ацыди Ростовы облæстмæ. Амæй размæ дæр партийы регионалон хайад арвыста хойраг, дон арæзтадон æрмæджытæ. Уымæй уæлдай, «Æрыгон Гварди»-йы активисттимæ расидтысты, Донбассы сывæллæттæй ныртæккæ Цæгат Ирыстоны чи ис, уыдонæн хъазæнтæ, канцтовартæ æмæ чингуытæ æмбырд кæныны акци дæр.
Республикæйы сæргълæууæг Сергей Меняйлойы уынаффæмæ гæсгæ, цалдæр тонны гуманитарон æххуыс сæмбырд кодтой Дзæуджыхъæуы администрацийы. Арвыстой сын нуазыны дон, фæлхасадон продукттæ, хъарм уæлæдарæс, хостæ æмæ газы баллонтæ. Гуманитарон æххуыс сæмбырд кæнынмæ се вæрæн бахастой амалхъом адæм, базарадон куыстуæтты разамонджытæ. Донбассмæ арвыстой шифер, фæйнæг æмæ хæдзæрттæ аразынæн æндæр æрмæг.
