Куыстуæтты хъомыс фенынмæ нæ республикæмæ ссыдысты компетенциты федералон центры экспертæ
Цæгат Ирыстон ис, фæллойы бæрæггæнæнтæ фæхуыздæр кæныны проекты чи архайы, уыцы иуæндæс регионы рæнхъы. Куыстуæтты хъомыс фенынмæ нæ республикæмæ ссыдысты компетенциты федералон центры экспертæ – хъусын кæны промышленносты министрад. Проекты чи архайдзæн уыцы куыстуæттæн уыдзæнис фадат сæ кусджыты лæвар сахуыр кæнын. Уый фæрцы фæхуыздæр кæндзысты сæ куысты бæрæггæнæнтæ, стæй сахуыр уыдзысты фæстауæрц кæныны миниуджытыл. Проекты домæнтæм гæсгæ спайда кæндзысты ног технологион æмæ разамынды мадзæлттæй, цæмæй æфтиаг фæфылдæр уа, продукци саразыны аргъ та фæныллæгдæр кæндзысты. Центры специалисттæ аргъ скæндзысты республикæйы куыстуæттæн æмæ равзардзысты, проекты чи архайдзæн, уыдоны. Фидæны уыдонæн центры специалисттæ дæтдзысты бирæвæрсыг æххуыс.
