Сæ хъæлæстæ радтой республикæйы æвзарджытæн се 17 проценты
Цæгат Ирыстон нæ бæстæйы сси, парти «Иугонд Уæрæсе»-йы электрон хуызы рагагъоммæ хъæлæс кæныны æппæтæй фылдæр адæм кæм архайдта, ахæм регион. Уый тыххæй фехъусын кодта, партийы генералон советы секретарь, Федерацийы Советы сæрдары фыццаг хæдивæг Андрей Турчак. Сæ хъæлæстæ радтой республикæйы æвзарджытæн се 17 проценты. 2 бынат бацахста Краснодары край. Рагагъоммæ хъæлæс кæныны хатдзæгтæм гæсгæ сбæрæг сты, парти «Иугонд Уæрæсе»-йæ, республикæйы Парламенты депутатты æвзæрстыты чи архайдзæн, уыцы кандидаттæ. Фыццаг 10 бынаты бацахстой Гуыриаты Владимир, Цæллагкаты Жаннæ, Уататы Зелим, Дзиццойты Римæ, Тускъаты Таймураз, Виталий Назаренко, Гæззаты Юрий, Æгъуызарты Руслан, Амиран Левитский æмæ Тхостаты Мурат.