Уый тыххæй республикæйы сæргълæууæг загъта Беларусийы журналистикæйы Советы секретарь Андрей Кривошеевимæ фембæлды рæстæг.
Цæгат Ирыстон нысан кæны Беларусы республикæимæ æлывæрсыг ахастдзинæдтæ фидар кæнын. Уый тыххæй республикæйы сæргълæууæг загъта Беларусийы журналистикæйы Советы секретарь Андрей Кривошеевимæ фембæлды рæстæг.
Архайдта дзы нæ рсепубликæйы мыхуыры æмæ дзыллон коммуникациты комитеты сæрдар Фидараты Юрий. Битарты Вячеслав фæнысан кодта, Уæрæсейы президент Владимир Путин æмæ Беларусийы республикæйы президент Александр Лукашенкойы фæрцы дыууæ бæстæйы хсæн кæй ис фидар экономикон, культурон æмæ гуманитарон бастдзинад. Радзырдта цы бæтты нæ республикæ Белоруссиимæ, æмæ загъта йæ фæндон дарддæр дæр кæй у ацы бæстæимæ æмгуыстад кæнын. Андрей Кривошеев дæр загъта – йæ балцы нысантæй иу кæй у хуыздæр базонын бынæттон журналистикæйы куыст. Уыимæ куыд Цæгат, афтæ Хуссар Ирыстоны. Радзырдта дзыллон информацион фæрæзты цы лыггæнинаг фарстатæ уыны, уыдоны тыххæй, æмæ кæй хъæуы саразын журналистикæйы райрæзтæн ахъаз чи уыдзæн ахæм фæзуат. Баныхас ма кодтой ууыл дæр, æмæ æрыгон журналисттæн фадат кæй уыдзæн Белоруссимæ ацæуын, æмæ бынаты сæ фæлтæрддзинадыл ахуыр кæнын.
