Уый тыххæй уынаффæ бафыста Уæрæсейы хицауады сæрдар Михаил Мишустин
Цæгат Ирыстон райсдзæн 20 милуан сомæй фылдæр, амбулаторон уагæй чи дзæбæх кæны, уыцы рынчынтæн хостæ балхæнынæн. Уый тыххæй уынаффæ бафыста Уæрæсейы хицауады сæрдар Михаил Мишустин. Коронавирусимæ тохæн резервон фондæй радих кæндзысты 20 миллиард сомы. Уыдонæй 15 миллиардæй балхæндзысты, Уæрæсейы регистрацигонд чи нæма рцыд, ахæм хостæ. Фондз миллиарды та байуардзысты регионтыл. Уый размæ та хицауады вице-премьер Татьянæ Голикова загъта, Цæгат Ирыстоны иннæ регионтимæ абаргæйæ кæй рæзы, Рынчындæтты кæй æрæвæрынц уыдоны нымæц. Йæ бæрæггæнæнтæм гæсгæ, коронавирус кæмæ рабæрæг кæнынц, уыдонæн сæ 50 проценты бахъæуы стационарон æххуыс. Ахæм уавæр сæвзæрд нæ бæстæйы 35 регионы.
