Хъусын кæны фæлхасадмæ цæстдарды республикон управлени
Цæгат Ирыстон райста гриппы ныхмæ вакцинæ. Хъусын кæны фæлхасадмæ цæстдарды республикон управлени. Цæстдарæн ведомствæйы амындмæ гæсгæ хъæуы республикæйы цæрджытæй æппынкъаддæр 60% скæнын гриппæй вакцинæтæ, æппæтæй тæссагдæр къорды чи ис, уыдонæй та æппынкъаддæр 75%. Специалисттæ куыд зæгъынц, афтæмæй æнæмæнг вакцинацийы фæрцы цы коллективон иммунитет сæвзæры, уый ахады низ ма парахат кæныныл.
Вакцинæ фæзынд республикæйы æппæт поликлиникæты. Ныртæккæ аргъ кæнынц, медицинон организациты низ куы стыхджын уа, уыцы рæстæг кусынмæ куыд цæттæ сты, уымæн. 2023-24 азты гриппы æмæ æхснырсæджы эпидсезоны Цæгат Ирыстоны нысангонд æрцыд гриппæй 77 рынчыны. Уыдонæй 36 – сывæллæттæ. Се ппæт рынчынтæн дæр прививкæтæ нæ уыд.
