Мадзал æххуыс у национ проект «Хæрзвадат экологи» царды уадзынæн
Цæгат Ирыстон цæттæ кæны æппæтуæрæсеон акци «Бахъахъхъæнæм хъæд»-ы 7-æм сезон байгом кæнынмæ. Мадзал æххуыс у национ проект «Хæрзвадат экологи» царды уадзынæн. Уый у егъау æхсæнадон проект. Иу кæны бæстæйы цæрджыты хъæд хъахъхъæныны æмæ сног кæныны хъуыддаджы. Ацы аз хъæдгæстæ æмæ бархионтæ республикæйы ныссаддзысты 5 мин бæласы, хъусын кæны экологи æмæ æрдзы *вæрæнты министрады пресс-службæ. Акцийы сæйраг мадзал ацæудзæн Тарскæйы. Уым сагъд æрцæудзысты сырх тулдзы 1300 талайы. Цæгат Ирыстоны раздæры 6 сезоны рæстæг фæзынд 200 мин ног бæласы. Акцийы алы архайæг дæр республикæйы цъæхфæлыстмæ хæссы стыр æвæрæн. Мадзæлттæ сты хъæд сног кæныны хъуыддаджы ахсджиаг хай. Æппæтуæрæсеон акци «Бахъахъхъæнæм хъæд»-ы аразжытæ сты æнæкоммерцион куыстуат «Сад памяти» æмæ æппæтуæрæсеон экологон змæлд «Экосистемæ» Уæрæсейы экологи æмæ æрдзы *вæрæнты министрады æмæ хъæды хæдзарады æххуысæй.
