11 октября 2019, 15:35
Цæгат Ирыстон цæттæ кæны Хетæгкаты Къостайы 160 азы кадæн мадзæлттæм
15-æм октябры райсомы аст сахаты Ирон театры разæй Нармæ цæудзысты лæвар автобустæ. Поэты райгуырæн хъæуы алы район дæр равæрдзæн йæ цатыр.
Цæгат Ирыстон цæттæ кæны Хетæгкаты Къостайы 160 азы кадæн мадзæлттæм. 15-æм октябры райсомы аст сахаты Ирон театры разæй Нармæ цæудзысты лæвар автобустæ. Поэты райгуырæн хъæуы алы район дæр равæрдзæн йæ цатыр. Бæрæгбоны мадзæлтты архайдзысты Цæгат Ирыстоны сæргълæууæг Битарты Вячеслав æмæ Хуссар Ирыстоны президент Бибылты Анатолий. Уазджытæн бацæттæ кæндзысты мидисджын программæ. Райсомæй фæстæмæ зæлдзысты Къостайы æмдзæвгæтыл фыст зарджытæ. Уый фæстæ Мариинаг театры филиалы нæлгоймæгты хор азардзæнис Балцы зарæг. Бæхты театр «Нарты» равдысты фæстæ та райдайдзæнис бæрæгбоны концерт.
