Юбилейон мадзæлтты тыххæй дзырдтой, Платы Альбинæйы разамындæй цы æмбырд ацыд, уым.
«Хетæгкаты Къостайы юбилей бæрæггæнгæйæ йын мах æрмæст йæ рухс ном нæ мысæм. Кад кæнæм йе нæмæлгæ уацмыстæн. Æвдисæм Ирыстоны культурон æмæ историон бынты хъæздыгдзинад», – загъта Платы Альбинæ. Йæ ныхæстæм гæсгæ бæрæгбоны мадзæлттæ арæзт æрцæудзысты Нары, Дзæуджыхъæуы æмæ Мæскуыйы. Архайдзысты дзы фысджытæ, артисттæ, наукон интеллигенцийы æмæ ирон æхсæнæдты минæвæрттæ Уæрæсейы алы регионтæй. Программæ уыдзæн ирд æмæ алывæрсыг.
Платы Альбинæ куыд баххах кодта, уымæ гæсгæ мадзæлтты æмвæзад уыдзæн бæрзонд, Къостайы номы аккаг. 9-æмæй – 15-æм октябрьмæ Мæскуыйы ацæудзысты Цæгат Ирыстоны культурæйы бонтæ. Республикæйы алы районы дæр сараздзысты культурон программæтæ. Поэты сфæлдыстадæн аргъгæнджытæн арæзт æрцæудзысты къамты æмæ нывты равдыстытæ, спектакльты премьерæтæ, литературон изæртæ, наукон практикон конференцитæ. Куыд æрвылаз, афтæ та ацы хатт дæр дидинджытæ хæсдзысты ирон аргъуаны кæртмæ, Къостайы цыртдзæвæнмæ. Октябрьскæйы та юбилейы кадæн æвæрд æрцæудзæн фыссæджы бюст.
