Нæ республикæ канд егъау инветсицион проекттæ нæ бавдисдзæн, фæлæ ма бынæттон мастерты æмæ æрмдæсныты продукци дæр
Цæгат Ирыстон цæттæ кæны Кавказы инвестицион форуммæ. Нæ республикæ канд егъау инветсицион проекттæ нæ бавдисдзæн, фæлæ ма бынæттон мастерты æмæ æрмдæсныты продукци дæр. Сæйраг экономикон мадзал арæзт æрцæудзæн Минводы майы кæрон, – фехъусын кодта республикæйы сæргълæууæджы æмæ хицауады пресс-службæ. Форумы сæйраг нысан у – Цæгат Кавказы инвестицион хъомыс фæфылдæр кæнын, стæй регионы социалон-экономикон рæзтыл кусын. Афæдзы темæ уыдзæн «Инвестицион фæндаг. Ивгъуыд. Нырыккон цард. Фидæн». Форумы архайдзæн 5000 адæймаджы онг. Уыдон сты паддзахадон хицаудзинады оргæнты минæвæрттæ, уæрæсейаг æмææппæтадæмон компаниты менеджертæ, эксперттæ æмæ ахуыргæндтæ. Ныхас кæндзысты амалхъомдзинады, агропромышленнон комплексы, энергетикæйы, транспорты, туризмы, æнæниздзинадхъахъхъæнынады рæзтыл. Стыр æргом ма аздахдзысты æппæтадæмон æмгуыстадмæ дæр.
