Алкæцыдæр сæ у Къомайты Русланы номыл космонватикæйы скъолайы хъомылгæнинаг
Цæгат Ирыстонæй 10 адæймаджы уыдысты лагерь «Орленок»-ы. Алкæцыдæр сæ у Къомайты Русланы номыл космонватикæйы скъолайы хъомылгæнинаг. Архайдтой сæрмагонд конкурсы, æмæ дзы бацахстой призон бынæттæ. Программæйыл бакуыста Роскосмосы корпораци. Цæгатирыстойнаг 10 лæппуйы æмæ чызджы се ппæты дæр баууæндын кодтой, сæ бон космос басгарын кæй у, ууыл. Бæлвырддæр радзурдзæн Хъайтмазты Дзерассæ.
Полина Павловская у, абон фидæны космосы проект чи аразы, уыдонæй иу. Чызг 3 азы архайы космонавтикæйы республикон скъолайы. Сывæллæтты центр «Орленок»-ы рад æмæ спутниктæ аразыны лаборатори йын систы ног къæпхæн. Уым чингуытæй теори райста космикон проекты формæ. Йæ командæйы уыд 4 адæймаджы – алкæмæндæр уыд йæхи хæс. Полина уыд инженер-иртасæг. Спутникыл кæй бакуыстой, уый тыххæй сывæллæттæ бацахстой 1-аг бынат.
Полина Павловская: «До этого я занималась ракетостроением в данной школе. Я подумала, что раз я попала в такой лагерь, то мне надо заниматься чем-то новым. Я решила открыть для себя спутникостроение. Мы моделировали спутники-кубсаты, наполняли их различным оборудованием и проектировали проект, связанный с изучением какого-либо небесного тела в солнечной системе. Объектом исследования в моей работе был спутник Юпитера Европа».
Æлбегаты Артур дæр архайдта ахуырадон программæ «Ключ на старт! Космос для детей»-ы профилон рады. Йæ экипажимæ арæзта æмæ кусын кодта ракетæ. Командæимæ иумæ бацахстой дыккаг бынат. Ракетæтæ аразын уыд цæттæ кæныны 3 къабазæй иу. Программæйы ма уыдысты: спутниктæ аразын æмæ спутниктæй бæрæггæнæнтæ исын. 3 къуырийы дæргъы сывæллæттæ æрмæст теори нæ ахуыр кодтой, фæлæ ма истой инженерон хæслæвæрдтæ раззагдæр эксперттæй.
«Орленок»-мæ Цæгат Ирыстонæй ацыд 10 адæймаджы. Се ппæт дæр сты космонавтикæйы скъолайы хъомылгæнинæгтæ. Алчидæр сæ æрыздæхт призон бынатимæ. Программæйыл бакуыста Роскосмос. 100 радихгонд бынатæй 10 райста республикæ. Уый рекорд у. Сывæллæтты æнтыстдзинæдтæ æрмæст сæхи фæллойы хатдзæгтæ не сты, – курдиат бадæттынæй сæ хæдзæрттæм æрыздæхыны онг сæ фарсмæ уыдысты скъолайы педагогтæ.
Ацы сывæллæттæ сты æцæг «стъалыты десант». Гæнæн ис, æмæ фидæны æвзонг курдиæттæ сæ нæмттæ бафысдзысты бæстæйы космикон наутæ аразыны историйы.
