Уый у æфсадмæ сидыны фæззыгон кампанийы фыццаг фæлтæр.
Цæгат Ирыстонæй æфсады рæнхъыты æрлæууыди 50 лæппуйы. Уый у æфсадмæ сидыны фæззыгон кампанийы фыццаг фæлтæр. Æфсæддон уæлæдарæс скæныны размæ уал ацыдысты сæрмагонд цæттæгæнæн курсытæ. Ахуыр кодтой хæцæнгарзæй пайда кæнын, автомат райхалын æмæ сæмбырд кæнын. Уый фæстæ, ацыдысты райгуырæн бæстæ хъахъхъæнынмæ. Фæндараст сын загъта не сфæлдыстадон къорд дæр.
Абон Беруаты Рустам фæззыгон æрсидты фыццаг æфсæддон командæйы араст уыдзæнис Белгороды облæстмæ æфсады службæ кæнынмæ. Куыд зæгъы, афтæмæй æфсæддон суæвынмæ бæллыд йæ сабибонтæй фæстæмæ. Лæппуйы фæнды йæ дарддæры хъысмæт сбæттын гæрзифтонг тыхтимæ. Службæйы фæстæ бафысдзæнис æфсæддон контракт.
Рустамимæ иумæ Гæрзифтонг тыхты рæнхъытæм нæ республикæйæ фыццаг къорды ацæудзæнис фæндзай сиддоны. Æртæ мæйы дæргъы цыдысты сæрмагонд ахуыртæ. Базыдтой афтомат равзарын æмæ æрæмбырд кæнын, стæй сæ размæ æвæрд цæлхдурты сæрты хизын. Балцы размæ фæсивæдæн ныстуан загъта республикæйы ветеранты советы сæрдар Бедойты Руслан æмæ æфсæддон къæмисар Марат Пашаев. Сæ зæрдæ сын загътой, цæмæй сæ граждайнаг хæс аккагæй сæххæст кæной.
Кадджын мадзалы фæстæ сиддонтæ араст сты æфсæнвæндаггон вокзалмæ. Поезд Дзæуджыхъæу-Мæскуы сæ фæхæццæ кæндзæнис Ныгуылæн æфсæддон зылды æфсæдтон хæйттæм. Фæзыгон æрсидт фæуыдзæнис 31 декаюры. Уыцы рæстæгмæ нæ республикæйæ æфсадмæ араст уыдзæнис астсæдæ æстай адæймаджы.
