07 апреля 2026, 10:31
Цæгат Ирыстонæй Дагестанмæ, донивылдтытæй хъыгдард баййафæг адæмæн аластой гуманитарон æххуыс
20 тонны нуазыны дон, фæлхасадон продукттæ, медикаменттæ, уæлæдарæс, æнæмæнг хъæугæ товартæ
Цæгат Ирыстонæй Дагестанмæ, донивылдтытæй хъыгдард баййафæг адæмæн аластой гуманитарон æххуыс. 20 тонны нуазыны дон, фæлхасадон продукттæ, медикаменттæ, уæлæдарæс, æнæмæнг хъæугæ товартæ. Ацы æххуыс сæмбырд кодтой республикæйы цæрджытæ, æхсæнадон организацитæ æмæ волонтертæ. Дагестаны æрдзон фыдбылызтæ расайдтой тыхджын кæвдатæ. Цæугæдæттæ раивылдысты былгæрæттæй. Уынгтæ, цæрæн хæдзæрттæ донæй байдзаг сты. Ныппырх сты фæндæгтæ æмæ æндæр инфраструктурæ. Республикæйы хицæн районты снысан кодтой сæрмагонд фæтк, адæмы ракодтой æдас рæттæм.
