Ӕххуыс сæмбырд кæнынмæ президентон змæлды минæвæрттæн баххуыс кодтой регионы разамынд, алыхуызон ведомствæты кусджытæ, организацитæ, стæй республикæйы цæрджытæ
Цæгат Ирыстонæй цалдæр машинæйы гуманитарон æххуысимæ æрвыст æрцыди Запорожьейы облæстмæ æмæ Донбассмæ. «Адæмон фронт. Алцыдæр уæлахизæн»-ы проекты фæлгæты гуманитарон æххуыс сæмбырд кæнынмæ президентон змæлды минæвæрттæн баххуыс кодтой регионы разамынд, алыхуызон ведомствæты кусджытæ, организацитæ, стæй республикæйы цæрджытæ. Квадроцикл, квадрокоптертæ, рацитæ, бронижилеттæ, минæтæ агурæн кусæнгæрзтæ, рухсгæнæнтæ, хъарм дзаумæттæ, пауэрбанктæ, хойраджы продукттæ, стæй сæйрагдæр та – сывæллæттæй фыстæджытæ. Ахæм уæз нæ хъæбатыр хъахъхъæнджытæн бæрæгбоны агъоммæ арвыстой нæ республикæйæ. Æххуыс арвитынмæ се ххуысы хай бахастой ресурсон центр «Кавказы бархион» æмæ аграрон университеты студенттæ дæр. Гуманитарон æххуыс ма Адæмон фронты номæй фæфылдæр кодтой Ростовы дæр. Уыдон та сын арвыстой машинæ «Нива», квадрокоптертæ, хъармгæнæн кусæнгæрзтæ, стæй æндæр хъæугæ æрмæг.
