Уыдонæй нæ республикæ сæххæст кæндзæнис, чысыл горæтты хæрзвадат уавæртæ саразыны конкурсмæ цы проекттæ балæвæрдта, уыдон
Хицауады сæрдар Михаил Мишустин бафыста уынаффæ, цæмæй Цæгат Ирыстонæн радих кæной 155 милуан сомы. Уый тыххæй фехъусын кодта вице-премьертимæ æмбырды. Уыдонæй нæ республикæ сæххæст кæндзæнис, чысыл горæтты хæрзвадат уавæртæ саразыны конкурсмæ цы проекттæ балæвæрдта, уыдон. Æдæппæтæй Цæгат Кавказы федералон зылды регионтæм арвитдзысты иу миллиард æмæ дыууæсæдæ милуан сомы. Паддзахадон фарсхæцт райсдзысты æстай муниципалитеты æмæ нæ бæстæйы 48 регионы. Сæ проекттæ нымад æрцыдысты хуыздæртыл. Уæ зæрдыл уын æрлæууын кæндзыстæм, æппæтуæрæсеон конкурс цæуы 2018-æм азæй фæстæмæ. Уыцы мгъуыдмæ сбæрæг кодтой 800 уæлахиздзау проекты. Уыдон сты чысыл горæттæ, стæй историон æмæ федералон нысаниуæг кæмæн ис, ахæм субъекттæ.
