Уый тыххæй аппаратон æмбырды фехъусын кодта æнæниздзинадхъахъхъæнынады министр Тебиаты Сослан
Цæгат Ирыстонмæ æрбаластой коронавирусæй сывæллæтты вакцинæйы фыццаг парти. Æдæппæтæй 480 комплекты. Уыдон баласдзысты республикæйы поликлиникæтæм. Уый тыххæй аппаратон æмбырды фехъусын кодта æнæниздзинадхъахъхъæнынады министр Тебиаты Сослан. Фæстаг къуыримæ нæ республикæйы коронавирусæй рынчынты нымæц сырæзт 70% онг. Сывæллæтты хсæн та – 68%. ОРВИ æмæ гриппæй эпидемиологон къæсæр алы кары къордты сырæзт дыууæ хатты. Уый тыххæй фехъусын кодта Цæгат Ирыстоны сæйраг санитарон дохтыр Тыбылты Алан. Экспертты хатдзæгтæм гæсгæ короновирусы штамм «омикрон» фылдæр парахат кæны нæ республикæйы. Стационарты ныртæккæ сæхи дзæбæх кæнынц 649 адæймаджы, уыдонæй 56 сты – реанимацион хайæдты. Ивгъуыд къуыримæ республикæйы колл-центртæм бацыд 11 мин дзæнгæрæгæй фылдæр. Вакцинацийы фарстатæм сæ цæст дарынц регионалон хицаудзинады оргæнтæ.
Ныхас ма цыд, дзæбæхгæнæн-диагностикон 10 цæугæ комплексы тагъд рæстæджы эксплуатацийы раттыныл. Уыдон фадат ратдзысты диагностикæ, лабораторон иртæстытæ æмæ медицицнон æххуыс кæнынæн. Уыимæ республикæйы районты дæрддзæф хъæуты. Аппаратон æмбырды рæстæг ма Сергей Меняйло загъта, Цæгат Ирыстоны саразынмæ кæй хъавынц, уыцы туаггуыры заводы хъомыс кæй уыдзæн 14 тоннæйы суткæмæ. Республикæйы Сæргълæууæг ма бафиппайдта, завод æмæ 4 туаггуыры станцæйы фадат кæй ратдзысты æппæт хъуагдзинæдтæ сæхгæнынæн, уыимæ суанг къуырцдзæвæны рæстæг дæр.
