Фембæлд нæ республикæйы Æхсæнадон палатæйы æмæ Центрон æвзарæн къамисы уæнгтимæ
Цæгат Ирыстонмæ кусæг балцы ссыд Уæрæсейы Президенты цур граждайнаг æхсæнады æмæ адæмы бартæ хъахъхъæныны Советы уæнг Александр Брод. Фембæлд нæ республикæйы Æхсæнадон палатæйы æмæ Центрон æвзарæн къамисы уæнгтимæ. Зындгонд уæрæсейаг бартæхъахъхъæнæг æмæ æхсæнадон архайæг, мæскуыйаг бюройы директор фыццаг хатт нæ бабæрæг кодта цæгаткавказаг республикæ. Раздæр уыд Хъæрæсе-Черкесийы æмæ Кæсæг-Балхъары. Æдæппæтæй та ацы политикон сезоны бабæрæг кодта 20 субъекты. Сæйраг нысан – хъæлæс кæныны иумæйаг бонмæ мониторинг скæнын, æмæ 8-æм сентябрмæ цæттæдзинадæн аргъ скæнын. Сæрмагондæй уый тыххæй Мæскуыйæ Цæгат Ирыстонммæ ссæудзысты фæлтæрдджын эксперттæ æмæ специалисттæ. Уыдон баххуыс кæндзысты куыст хуыздæр саразынæн. Æвзæрстыты цыдмæ сæ цæст дардзысты 900 æхсæнадон архайæджы. Ныртæккæ фæвæййынц æппæт цæттæгæнæн куыстытæ. Æмтгæй райсгæйæ, федералон эксперт стыр аргъ скодта нæ республикæйы цæттæдзинадæн. Куыд бафиппайдта, афтæмæй алы районы дæр ис стыр конкуренци. Уый та у хорз бæрæггæнæн.
