Йемæ ссыдысты арæзтады æмæ цæрæнуæтты-коммуналон хæдзарады министры хæдивæг Максим Егоров, Акционерон æхсæнад Россетийы генералон директор Андрей Рюмин æмæ иннæтæ
Цæгат Ирыстонмæ кусæг балцы ссыдис Уæрæсейы федерацийы энергетикæйы министр Николай Шульгинов. Йемæ ссыдысты арæзтады æмæ цæрæнуæтты-коммуналон хæдзарады министры хæдивæг Максим Егоров, Акционерон æхсæнад Россетийы генералон директор Андрей Рюмин æмæ иннæтæ. Æппæты фыццаг уазджытæ бабæрæг кодтой Беслæны теракты чи фæмард, уыдоны номарæн мемориал. Уый фæстæ республикæйы разамонæг Сергей Меняйло фембæлд Николай Шульгиновимæ. Бæлвырд дзыртой регионы артаг æмæ энергетикæйы къабазы райрæзты фарстатыл. Уæлдай æргом аздæхтой, Цæгат Ирыстоны цæттæдзинадмæ хъармгæнæн афонмæ. Делегацийы минæвæрттæ фембæлдысты республикæйы Хицауады уæнгтимæ. Республикæйы хицауады ацыдис электрон энергетикæйы къабазы æдасдзинады къамисы æмбырд. Архайдтой дзы Цæгат Кавказы федералон зылды суббъектты минæвæрттæ. Уый фæстæ делегаци республикæйы разамындимæ бабæрæг кодтой Зæрæмæджы Гидроэлектростанцæ. Бæлвырд дзырдтой, йæ тых æхсай мегаватт кæмæн уыдзæнис, нæ республикæйы дыккаг ахæм гидроэлектростанцæ саразыныл.
