Базонгæ уыдзысты хæстон намысы, стæй сыгъдæг дзуæртты бынæттимæ
Цæгат Ирыстонмæ Мæскуыйы облæстæй ссыд кадетон хъазахъхъаг полк. Балц саразыны хъæппæрис разынд Стыр æхсин Мария Ясыняйы фонды минæвæрттæм æмæ императорон чырыстон Палестинаг æхсæнадмæ. Æххуыс сын бакодтой республикæйы хицауад, стæй Дзæуджыхъæуккаг æмæ Алайнаг Епархи. Делегацийы хыгъды ис 18 кадеты æмæ хистæры. Цæгат Ирыстонмæ ссыдысты экскурсион программæимæ. Базонгæ уыдзысты хæстон намысы, стæй сыгъдæг дзуæртты бынæттимæ. Уæвгæ, балцы сæйраг нысантæй иу у æфсæддон – патриотон хъомылад. Раздæр уал уазджытæ æдзард хæстонты нæмттæ æрымысыдысты Хъæдгæроны æмæ Дур-Дуры. Уым 1942-æм азы фронтмæ ацыдысты 14 æнахъом сывæллоны. Уый фæстæ Мæскуыйы облæстæй уазджытæ абалц кодтой Дыгургоммæ.
