Абоны онг иммунизаци ацыдысты 16097 адæймаджы
Цæгат Ирыстонмæ схæццæ вакцинæ «Гам-Ковид-Вак» – ы уæлæмхасæн парти. Æдæппæтæй 3400 комплекты. Абоны онг иммунизаци ацыдысты 16097 адæймаджы, уыдонæй 12358 райстой вакцинæйы дыууæ компоненты. Æппæтæй активондæр адæм сты Горæтгæрон районы. Уæвгæ та вакцинаци ацæуыны фадат ис, 18 азæй фылдæр кæуыл цæуы, уыдонæн. Стыр æргом аздахын хъæуы, тæссаг къорды чи ис, уыцы адæммæ. Уыдон та сты: 60 азæй фылдæр кæуыл цæуы, стæй, чи нæ дзæбæх кæны, ахæм низтæй рынчынтæ. Се хсæн: сæкæрниз, бронхæты астмæ, зæрдæйы æмæ тугдадзинты системæйы низтæ, стæй уæлдай уæз кæмæ ис, уыцы категорийы адæм ацы низы ныхмæ тынг зынтæй тох кæнынц. Вакцинæ «Гам-Ковид-Вак»-ы ахадындзинад хорзыл банымадтой клиникон фæлварæнтæ. Вакцинацийы фæстæ адæм сæхи æнкъарынц иттæг хорз, низы ныхмæ буаргъæдтæ сæм фæзынынц. Процедурæмæ хи бафыссæн ис паддзахадон лæггæдты порталы уылты, кæнæ та территориалон медицинон организацийы. Вакцинаци у барвæндонмæ гæсгæ, стæй лæвар.
