Фæстаг азты нæ республикæйы ацы экстремалон спорты хуыз уарзджытæ кæнынц фылдæр
Цæгат Ирыстонмæ сластой, стæм чи сты, ахæм япойнаг мотоциклтæ. Фæстаг азты нæ республикæйы ацы экстремалон спорты хуыз уарзджытæ кæнынц фылдæр. Мотоциклтыл егъау дугъ ацæудзæн июлы. Ацы аз райсдзæн æппæтадæмоны статус. Байкерты тыххæй бæстондæр радзурдзæн нæ уацхæссæг Тъехты Элинæ.
Мотоциклтæ уарзаг Алексей Макаров «æфсæйнаг бæхыл» сбадти 10 азы размæ. Ног хоббимæ рахизын æй бафæндыд йе мбалмæ кæсгæйæ. Алексей Цæгат Ирыстонмæ ссыд 3 азы размæ, архайын райдыдта мотоклубы регионалон хайады æмæ йæ бафæндыд бакусын, цæмæй мотоклуб нæ республикæйы рæза, ууыл.
Ацы аз арæзт æрцæудзæн егъау мотоциклтыл дугъ. Йæ фæлгæты Алексейы фæнды адæмы размæ рахæссын, стæм цы мотоциклты хуызтæ сты, уыдон. Уымæй уæлдай ма йæ клубы иннæ архайджытимæ фæнды спортивон турнир саразын.
Ныридæгæн Цæгат Ирыстоны мотоклубы хайады ис 7 адæймаджы. Сæ фылдæр – барадхъахъхъæнджытæ. Сæ тыхтæ февзарынц, бæстæйы цы дугътæ æмæ спортивон мадзæлттæ саразынц, уым. Уæдæ кæнынц хæрзаудæн куыст дæр. Мотоклубы регионалон хайады президент куыд зæгъы, афтæмæй фæстаг азты нæ республикæйы мотоциклтæ уарзаг адæмы нымæц фæфылдæр.
Хæстæгдæр рæстæг сараздзысты адæмы хсæн мотоциклтыл дугъ. Аххæсдзæн республикæйы цалдæр районыл. Архайдзысты дзы 250 адæймагæй фылдæр. Уымæй уæлдай ма дугъы программæмæ гæсгæ сараздзысты хæрзаудæн концерт дæр.
Фыййагдоны администрацийы уымæй уæлдай бафиппайдтой, ахæм мадзæлттæ æндæр регионты дæр кæй араздзысты, уый. Егъау мотоциклтæй дугъ ацæудзæн июлы. Ацы аз райсдзæн æппæтадæмоны статус. Архайдзысты дзы мотоциклтæ уарзаг адæм Белоруссийæ дæр.
