Афтæмæй æдæппæтæй медицинон организацитæм баластой 780 дозæйы
Цæгат Ирыстонмæ сластой вакцинæ «КовиВак»-ы фыццаг парти. Республикæйы æнæниздзинадхъахъхъæнынады министрады пресс-службæйæ куыд фехъусын кодтой, афтæмæй æдæппæтæй медицинон организацитæм баластой 780 дозæйы. Цæмæй ног коронавирусы инфекцийы ныхмæ иммунизаци ацæуай, уый тыххæй хъæуы территориалон поликлиникæмæ бацæуын. Хи ныффыссæн ис паддзахадон лæггæдты порталы. КовиВак — у, Уæрæсейы коронавирусы ныхмæ хыгъды кæй сæвæрдтой, ахæм æртыккаг вакцинæ. Раздæры дыууæ препараттæ «Спутника Ви» æмæ «ЭпиВакКоронæ»-йæ уæлдай ацы вакцинæйы ис æххæст вирус, йæ иу хай нæ, фæлæ. Уыимæ вирус йæхæдæг у куынæггонд. «КовиВак» ныридæгæн йæ ахадындзинад æмæ æдасдзинад равдыста, клиникон иртæстыты фæстæ. Уымæй прививкæ скæнæн ис, 60 азæй фылдæр кæуыл цæуы, ахæм адæмæн дæр. Вакцинæ кæнын хъæуы дыууæ хаттæй, уыимæ фыццаг æмæ дыккаг прививкæты хсæн хъуамæ рацæуа 2 къуырийы.
