Президенты æмæ Хицауады администрацийы унгтæ, стæй æртæ дины минæвæрттæ уал уыдысты Мæздæджы районы хъæуы Веселæйы
Цæгат Ирыстонмæ ссыд Азербайджаны республикæйы делегаци. Президенты æмæ Хицауады администрацийы унгтæ, стæй æртæ дины минæвæрттæ уал уыдысты Мæздæджы районы хъæуы Веселæйы. Уымæн æмæ ам 2013-æм азы байгом кодтой цыртдзæвæн 223-æм мысанæхсæн дивизийæн. Йæ фылдæр хай уыдысты азербайджайнæгтæ. Делегацийы сæргъы ис Кавказы пысылмæтты Управленийы сæрдар Шейх-уль-Ислам Гаджи Аллахшукюр Пашазаде. Се ппæты хъуыды дæр уыд иу. Дыууæ бæстæйы минæвæрттæ стыр æвæрæн бахастой фашизмыл фæуæлахиз уæвынмæ. Æрыгон историк Мырыкаты Артемий куыд радзырдта Белграды Сырæфсæддон 223-æм дивизийы хъæбатырдзинæдты тыххæй. Хъахъхъæдтой Кавказы арæнтæ. Мæздæджы бынмæ тохты фæмард сæдæгай салдæттæ. Агурджыты фæрцы сæ кадджын хистæр Али Хасиевы ингæн ссардтой йæ хæстæджытæ. Веселæйы хъæуы цы мемориал ис, уый бабæрæг кæнынц æнæхъæн бинонтæй. Салдæтты лæгзинадæн радон хатт кад скодтой Азербайджаны делегацийы минæвæрттæ, Цæгат Ирыстоны алыхуызон министрадты, пысылмæтты управленийы æмæ æхсæнадон организациты уæнгтæ. Хицæн арфæйы ныхæстæ загътой агурæн къорды уæнгтæн, стæй зæрдæхæлар адæмæн. Ацы темæмæ куыдфæндыйы цæстæй чи нæ кæсы, æмæ архивон документтæ цæстыгагуыйау чи хъахъхъæны.
