Æнæмæнг хъæугæ продукцийы 1000 наборы æмæ ма уыйбæрц та хи зилынмæ фæрæзтæ байуардзысты фæкæсынхъуаг адæмæн
Цæгат Ирыстонмæ ссыди гуманитарон æххуыс «Уæрæсейы Сырх дзуары» Æппæтуæрæсеон æхсæнадон организацийæ. Æнæмæнг хъæугæ продукцийы 1000 наборы æмæ ма уыйбæрц та хи зилынмæ фæрæзтæ байуардзысты фæкæсынхъуаг адæмæн. Се хсæн – хистæр кары стæй бирæсывæллонджын бинонтæ. Уымæй дарддæр пандемияйы аххосæй йæ куысты бынатæй чи фæхауд, стæй чи нæ дзæбæх кæны, ахæм низтæй рынчын адæм. Стыр æмæ ахадгæ æххуыс бакодтой сæрмагонд программæмæ гæсгæ. Æхсæнадон организаци «Сырх дзуары» регионалон хайад æмæ Цæгат Ирыстоны фæллойы æмæ социалон рæзты Министрад гуманитарон æххуыс арвитдзæн комплексон центртæм. Æххуысхъуаг адæмы æмæ бинонты хыгъдтæ ныридæгæн бацæттæ кодтой. Раздæр уал æххуыс райстой Рахизфарсы æмæ Æрыдоны районты центртæ. Хæстæгдæр рæстæг бахæццæ уыдзæн иннæ районтæм дæр. Ацы куыстæн æдæппæтæй лæвæрд цæуы 3 боны.
