Хицауады вице-премьер Тугъанаты Ларисæ куыд загъта, афтæмæй 24 сæрмагонд координаторы ныридæгæн ацыдысты ахуыртæ
Цæгат Ирыстоны 1-æм июны йæ куыст райдайдзæн сæрмагонд æфсæддон операцийы архайджытæн æххуысы фонд. Хицауады вице-премьер Тугъанаты Ларисæ куыд загъта, афтæмæй 24 сæрмагонд координаторы ныридæгæн ацыдысты ахуыртæ. 11-æм майæ фæстæмæ та фондты разамонджытæ ахуыр кæнын райдайдзысты Уæрæсейы Хицауады раз адæмон хæдзарады академийы. Уæ зæрдыл уын æрлæууын кæндзыстæм – сæрмагонд æфсæддон операцийы архайджытæн æххуысы фонд сарæзтой президент Владимир Путины уынаффæмæ гæсгæ. Фонд амондзæнис социалон, медицинон, психологон æххуысы фæтк, стæй лыг кæндзæн реабилитаци æмæ санаторон-курортон мадзæлтты фарстатæ. Уымæй уæлдай сын фонды специалисттæ æххуыс кæндзысты куыст ссарынмæ æмæ ахуырад райсынмæ.
