филиал вгтрк государственная телерадиовещательная компания “Алания”

Цæгат Ирыстоны 2 сæдæ сывæллонæй фылдæр æхсæнадон организаци «Ирон фæсивæд»-æй райстой ног азы лæвæрттæ. Бæрæгбоны кадæн мадзал сын бацæттæ кодтой фæсивæды Галуаны. Организацийæн ахæм фембæлдтытæ сты традицион, скодтой йæ ныр 5-æм хатт. Се ххуысы хай йæм бахастой республикæйы цæрджытæ дæр. Сывæллæттæ открыткæтыл ныффыстой, цы лæвар сæ фæнды райсын ног азмæ, уый. Мадзал аразджытæ сæ ахастой Дзæуджыхъæуы стырдæр базарадон центртæм. Алы æрбацæуæгæн дæр йæ бон уыди заз бæласæй открыткæ райсын, бакæсын æй, æмæ сабийы бæллиц сæххæст кæнын. Афтæмæй, иумæйаг тыхтæй сывæллæттæн скодтой æцæг бæрæгбон.