Уый тыххæй аппаратон æмбырды фехъусын кодта республикæйы Сæргълæууæг Сергей Меняйло
Цæгат Ирыстоны 44 хъæуы раздæрау тæссаг у зынгсирвæзтытæй. Уый тыххæй аппаратон æмбырды фехъусын кодта республикæйы Сæргълæууæг Сергей Меняйло. Ивгъуыд къуырийы æнæнхъæлæджы цауты министрады специалисттæ ахуыссын кодтой 80 зынгсирвæзты. Уыдонæй 61 фыдбылызы аххосаг уыди хус кæрдæг кæй ссыгъди, уый. Æмбырды ныхас цыди республикæйы эпидемиологон уавæрыл дæр. Фæлхасадмæ цæстдарды регионалон управленийы разамонæг Тыбылты Алан куыд загъта, афтæмæй уавæр у рæстæмбис. Сергей Меняйло профилон ведомствæты минæвæртты æргом аздæхта къæвдаты дæттæ кæдæм цæуынц, уыцы сæрмагонд бынæттæм цæст æрдарынмæ. Разæй нæм æнхъæлмæ кæсы къæвдаты сезон, æмæ уавæр хъуамæ зæрдæхсаинаг ма уа. Регионы Сæргълæууæг æнæниздзинадхъахъхъæнынады министр Тебиаты Сосланæн бахæс кодта, сæкæрнизæй рынчын адæмæн хостæ кæй нæ фаг кæны, уыцы хъуыддаг равзарын æмæ йæ снывыл кæнын.
