Сергей Меняйло профилон куыстуæтты æргом раздæхта, адæмы хъæстытæм, бадомдта, лыггæнинаг фарстатыл цыбыр æмгъуыдмæ бакусын, йæ хæстæ куыд æмбæлы, афтæ чи не ххæст кæны, уыцы разамынддæттæг компанитæн та сæ лицензитæ исын
Цæгат Ирыстоны 50 бирæфатерон хæдзарæй фылдæр абоны онг сты æнæ хъармæй. Аххосаг – хæдзæртты хицæутты æмбаладтæ æмæ разамынддæттæг компанитæ сæ хæстæ æмбæлгæ уагыл кæй не ххæст кæнынц, уый. Уый тыххæй аппаратон æмбырды фехъусын кодта республикæйы дондзæуæн куыстуаты директор Хъараты Тимур. Сергей Меняйло профилон куыстуæтты æргом раздæхта, адæмы хъæстытæм, бадомдта, лыггæнинаг фарстатыл цыбыр æмгъуыдмæ бакусын, йæ хæстæ куыд æмбæлы, афтæ чи не ххæст кæны, уыцы разамынддæттæг компанитæн та сæ лицензитæ исын. Аппаратон æмбырды ма ныхас цыди эпидемиологон уавæрыл дæр. Фæлхасадмæ цæстдарды управленийы бæрæггæнæнтæм гæсгæ, æхснырсæгæй рынчынты нымæц республикæйы нормæйæ фылдæр нæу. Карантины сты сывæллæтты иу рæвдауæндон æмæ 3 хицæн къорды. Ахуырады æмæ наукæйы министр Алыбекты Эллæ фехъусын кодта, афæдзы кæронмæ ма бындурон цалцæггонд æрцæудзысты республикæйы 6 скъолайы.
