08 февраля 2023, 11:07
Цæгат Ирыстоны 6 куыстуаты архайынц æппæтадæмон равдыст «Продэкспо»-йы
Республикæйы экспозицийы ис, кæй ныссæлын кодтой, ахæм чъиритæ, æрдæгцæттæ хойрæгтæ, нуазыны дон, стæй алыхуызон адджын дæттæ, сæлдæг, зети æмæ спаржæ
Цæгат Ирыстоны 6 куыстуаты архайынц æппæтадæмон равдыст «Продэкспо»-йы, цæуы Мæскуыйы. Республикæйы экспозицийы ис, кæй ныссæлын кодтой, ахæм чъиритæ, æрдæгцæттæ хойрæгтæ, нуазыны дон, стæй алыхуызон адджын дæттæ, сæлдæг, зети æмæ спаржæ. Экономикæйы рæзты регионалон министрадæй куыд хъусын кæнынц, афтæмæй цæгатирыстойнаг продукци фæлхасгæнæг агуры зæрдиагæй, адæм æм се ргом здахынц, уымæ гæсгæ равдысты дæр æвзæрын кæны цымыдисдзинад. Фидæны æмкусджытимæ нысангонд æрцыдысты фембæлдтытæ. «Продэкспо»-йы дунейы 35 бæстæйæ архайы 2 мин компанийæ фылдæр.
темæмæ гæсгæ
