Ахæм хатдзæгтæ бæрæггæнæн рейдты фæстæ скодтой фæлхасадмæ цæстдарды управленийы специалисттæ
Цæгат Ирыстоны 62 амалхъом адæймаджы æнæзакъонæй уæй кæнынц, никотин кæмæ хæццæ кæны, ахæм товартæ, ноджыдæр ма 110 адæймаджы сæ бизнес æххæст кæнынц закъонхæлдтытимæ. Ахæм хатдзæгтæ бæрæггæнæн рейдты фæстæ скодтой фæлхасадмæ цæстдарды управленийы специалисттæ. Рейдтæ арæзт æрцыдысты УФ-йы Хицауады хæслæвæрдмæ гæсгæ. Æдæппæтæй бабæрæг кодтой 320 базарадон бынаты. Цæстдарæн мадзæлтты рæстæг куыд рабæрæг, афтæмæй иуæй-иу амалхъом адæм тамакойы продукци уæй кæнынц, домæнтæ халгæйæ, æмбæлгæ уагыл нæ вæййы сæ маркировкæ дæр. Уый иу, иннæ закъонхæлд та – тамакойы продукци скъолатæ æмæ æндæр ахуыргæнæндæттæм хæстæг кæй уæй кæнынц, уый. Æппæт хъуыддæгтæ дæр лæвæрд æрцæудзысты бæрнон ведомствæтæм.
