филиал вгтрк государственная телерадиовещательная компания “Алания”

Цæгат Ирыстоны абон байгом Таймазты æфсымæрты номыл спортивон хъæбысхæсты центр.

Йæ бындурыл æрыгон спортсментæ тренировкæтæ кæндзысты хорз уавæрты. Æдæппæтæй клубы бынат уыдзæнис æртын сывæллонæн. Уыдон уыдзысты, æппæты хуыздæр бæрæггæнæнтæ чи равдиса, уыдон. Центры нысан у фидæны дунейы æмæ олимпаг чемпионты бацæттæ кæнын. Абон клубы байгомы кадæн сарæзтой турнир, 2002-2004 азы гуырд лæппуты хсæн. Архайынц дзы командæтæ Цæгат Ирыстонæй, Дагестанæй, Сомихæй, Азербайджанæй, Кæсæг-Балхъарæй. Турнирæн уыдзæнис йæхи фонд. Уæлахиздзауты æмæ призерты схорзæхджын кæндзысты æхцайы призтæй.