Йæ хъайтартыл аивадуарзджытæ тынг æууæндыдыдсты
Зындгонд актер, режиссер, аив дзырды дæсны. Абон Цæгат Ирыстоны адæмон артист Мерденты Юрийы райгуырдыл æххæст кæны 95 азы. Кæддæриддæр ирд æмæ зæрдæбын æнкъарæнтæ æвдисæг сценæйы. Йæ хъайтартыл аивадуарзджытæ тынг æууæндыдыдсты. Горькийы пьесæ «На дне»-йы Барон, Чеховы «Æртæ хойы» Кулагин, стæй, кæй зæгъын æй хъæуы, Хетæгкаты Къостайы «Фатимæ»-йы Дзамболаты сурæт саразæг. Уæдæ Шекспиры Алеманты роль саразæг спектакль «Тимон Афинаджы» та Мерденты Юрийæн лæвæрд æрцыд Станисталвскийы номыл паддзахадон преми. Йе мкусджытæн Юрий æппынæдзухдæр уыди хистæр æмбал æмæ зæрдæхæлар ахуыргæнæг. Зæрдæйæ-иу кæй бауарзта, уыдоны-иу хионы хуызæн хуыдта «Лæппу». Йе мкусджытæ та йæ хуыдтой Ирыстоны романтикон культурæ хæссæг. Сценæмæ-иу куы рацыд, уыд-иу йемæ хаста тыхджын къухæмдзæгъд. Хъуыдыгæнаг актер, йæ дæсныйадæй æххæст кодта йæ рольтæ. Раст цыма фысджытимæ æмавтор уыди, афтæ.
Мерденты Юрий йæ рæстæджы каст фæци «Мосфильмы» аспирантурæ æмæ режиссерты уæлдæр курсытæ. Уымæй дарддæр ма систа дыууæ аивадон æмæ 5 документалон кинонывы. Æхсызгон ма уый у, æмæ йæ зæрдæбын хъæлæсæй сдзырдтой рагон нартæ, æмæ ма касти Хетæгкаты Къостайы æнæмæлгæ уацмыстæ дæр. Зæгъдзыстæм ма уый дæр, æмæ Мерденты Юрий лæууыд Цæгат Ирыстоны телеуынынадæн бындур сæвæрыны хъуыддаджы. Æнтыстджынæй хæццæ кодта радиохъусынады хорз традицитæ дæр.
