Курсанттæм уазæгуаты æрбацыд рсепубликæйы Парламенты сæрдар Тускъаты Таймураз
Цæгат Ирыстоны æххæстгонд цæуы æфсæддон-патриотон фæсивæдон проект «Верность Родине – наша сила». Фæсивæды кæм цæттæ кæнынц, уыцы бынæттæй иу у æфсæддон-быдырон лагерь «Тæмискъ». Курсанттæм уазæгуаты æрбацыд рсепубликæйы Парламенты сæрдар Тускъаты Таймураз. Федта лæппутæ рæнхъытæй раст куыд цæуынц, уый. Уымæй дарддæр базонгæ, тактикон медицинæйы, æнæпилотæй тæхæг аппараттæн разамынд дæттыны æмæ, спортивон ориентировани кæй хонынц, уый фæдыл ахуыртимæ. Проект уæлахиздзау сси «Фыццæгты змæлды» гранттæ исыны конкурсы. Йæ сæйраг нысан – патриотон хъомылады æмвæзад фæуæлдæр кæнын, стæй скъолаты æмæ астæуккаг профессионалон ахуыргæнæндæтты минæвæртты историон зонындзинæдтæ æмæ спортивон цæттæдзинадыл кусын. Проекты мадзæлтты архайдзысты 9 мин сывæллоны. Майæ ноябры онг цæудзысты хæстон намысы бынæттæм, æмбæлдзысты ветерантимæ æмæ сæрмагонд æфсæддон операцийы архайджытимæ. Уымæй дарддæр ацæудзысты цæттæгæнæн курс æфсæддон-патриотон лагеры, архайдзысты, нæ бæстæйы историимæ баст квестты, æмæ интеллектуалон хъæзтыты.
