Ныхас дзы цыди «Паддзахадон æвзæгты» республикон закъон бацæттæ кæныны мадзæлттыл
Цæгат Ирыстоны Æхсæнадон палатæйы фæзы арæзт æрцыди кусæг къорды æмбырд. Ныхас дзы цыди «Паддзахадон æвзæгты» республикон закъон бацæттæ кæныны мадзæлттыл. Ацы æбырд кусæг къордæн у дыккаг. Снысан æй кодта регионы сæргълæууæг. Разамынд ын дæтты истори æмæ археологийы институты директор, республикæйы æхсæнадон палатæйы ахуырад æмæ наукæйы, культурон æмæ удварны хæзнаты, нациты æмæ конфесситы хсæн ахастдзинæдты фарстаты фæдыл къамисы сæрдар Бзарты Руслан. Ацы закъоны проекты у Президент кæй фæнысан кодта, уыцы æвзагзонынады политикæйы фæлгæты ахсджиаг къахдзæф. Ацы куыстмæ здæхт æрцыди филологты æмæ юристты æргом, уый та фадат радта æппæт барадон аспекттæ æмæ æндæр фæзилæнтæ æнæ *рхъуыдый ма ныууадзынæн.
