Коронавирусы эпидемийы рæстæг ахсджиаг у æппæт æмбæлгæ æрмæгæй æххæст уæвын. Медицинон маскæтæ, антисептиктæ, вирусы ныхмæ препараттæ. Цæгат Ирыстоны æхсæнадон палатæйы уæнгтæ радон бæрæггæнæн куыст скодтой республикæйы афтекты. Маскæтæ та дзы, раздæрау, нæй. Уыйхыгъд домæнтæм гæсгæ, афтекты фæзындысты социалон дистанцитæ æвдисæг хæххытæ.
Фæлхасгæнджытæн фадат ис сæ къухтæ дезинфекци кæнынæн дæр. Уæдæ антисептиктæй дæр цух не ййафынц. Хлоргексидины аргъ у 12 – 20 сомы онг. Резиннæ æрмкъухтæ уæййаг сæм ис. Вирусы ныхмæ препараттæ дæр афтæ. Æрмæст сæ аргъ сæхицæй аразгæ нæу. Фæстаг къуыримæ æлхæнджыты нымæц фæкъаддæр. Уæлдай æркæсинаг у маскæты фарста. Фæлæ хъуамæ фæзыной ног къуырийы. Æхсæнадон кусджытæ уавæрмæ сæ цæст дардзысты дарддæр дæр.
