Уый тыххæй аппаратон æмбырды фехъусын кодта республикæйы хицауады сæрдары хæдивæг Икъаты Русланбег
Цæгат Ирыстоны æмæ Гуырдзыйы арæнты сæрты ахизынмæ рады лæууынц мин уæзласæн машинæйæ фылдæр. Уый тыххæй аппаратон æмбырды фехъусын кодта республикæйы хицауады сæрдары хæдивæг Икъаты Русланбег. Ивгъуыд къуыри цæстдарæн-уадзæн пункт «Уæллаг Ларс»-ы уылты ацыди 21 мин машинæйæ фылдæр. Æмбырды æрныхас кодтой республикæйы эпидемиологон уавæрыл дæр. Цæгат Ирыстоны фæлхасадмæ цæстдарды управленийы разамонæджы ныхæстæм гæсгæ уавæр у рæстæмбис. Ивгъуыд къуырийы дохтыртæ рабæрæг кодтой коронавирусæй рынчын авд адæймаджы дæр. Ныртæккæ цы вирус цæуы, уый дæр фæкъаддæр 25%, сывæллæтты хсæн та 33%. Уавæр гыццыл фæхуыздæр, дистанцион ахуырмæ кæй раивтой, уый фæрцы. Уымæй уæлдай, республикæйы Сæргълæууæг бафарста ног трамвайтæ куыд кусынц, уымæй. Æлхæд æрцыди 28 вагоны. Сергей Меняйло ма горæты администрацийæн бахæс кодта, бацæттæ кæнын æмæ линимæ рауадзын 4 ретротрамвайы.
