19 июля 2025, 10:46
Цæгат Ирыстоны æртæ минæвары систы фыццаг национ преми «Страну меняют люди»- йы лауреаттæ
Кадджын мадзал арæзт æрцыд Мæскуыйы, концертон зал «Зарядье»-йы
Цæгат Ирыстоны æртæ минæвары систы фыццаг национ преми «Страну меняют люди»- йы лауреаттæ. Уыдон сты: Фыдыбæстæйы æдзард хъахъхъæнджыты æппæтуæрæсеон æхсæнадон организацийы регионалон хайады сæрдар Татьяна Днепровская, сæрмагонд æфсæддон операцийы ветеранты Ассоциацийы сæрдар Магкæты Олег æмæ сæрмагонд æфсæддон операцийы ветеран Хъаирты Тимур. Кадджын мадзал арæзт æрцыд Мæскуыйы, концертон зал «Зарядье»-йы. Преми лæвæрд æрцыд, Уæрæсейы президент Владимир Путины уынаффæмæ гæсгæ, бæстæйы ахуырады, наукæйы, амалхъомдзинады æмæ, социалон къабæзты рæзтмæ стыр æвæрæн чи хæссы, ахæм адæмæн.
