Уый тыххæй фехъусын кодтой фæлварæн проект «Фæстауæрцгæнæн регион»-ы координацион Советы уæрæхгонд æмбырды
Цæгат Ирыстоны афæдзы кæронмæ байгом кæндзысты ахуырадон центр «Фабрика процессов». Уый тыххæй фехъусын кодтой фæлварæн проект «Фæстауæрцгæнæн регион»-ы координацион Советы уæрæхгонд æмбырды. Центры нысан у – фæстауæрцгæнæн технологиты къабазы чи кусдзæн, ахæм специалистты бацæттæ кæнын. Республикæйы сæргълæууæг æмæ хицауады пресс-службæйæ куыд хъусын кæнынц, афтæмæй федералон проекты нæ республикæйæ архайы 53 организацийы. Царды уал рауагътой 200 проекты, сæ фæрцы иуæй-иу технологон процесстыл бакуыстой ноджы хуыздæр. Иннæ аз ма ахæм проекты номхыгъд хъуамæ схиза минмæ. Битарты Вячеслав зæрдыл æрлæууын кодта, технологиты ахадындзинад куыд ахъаз у паддзахадон оргæнты, куыстуæтты æмæ организациты, уый. Æмæ районты сæргълæуджытæн бахæс кодта, цæмæй проекттæ æнтыстджынæй æххæст кæной муниципалитетты.
