«Фыдыбæстæ хъахъхъæнджыты» фонд цы модель равзæрста, уымæ гæсгæ процесс ахсы æрмæст иунæг бон
Цæгат Ирыстоны афæдзы райдианæй диспансеризаци ацыдысты сæрмагонд æфсæддон операцийы ветерантæй 300-йæ фылдæр. «Фыдыбæстæ хъахъхъæнджыты» фонд цы модель равзæрста, уымæ гæсгæ процесс ахсы æрмæст иунæг бон. Куыст афтæ сарæзтой, цæмæй алчидæр хъæугæ æххуыс райса цыбыр рæстæгмæ, уыимæ, æнцонвадат уавæрты. Бæстондæр радзурдзæн Чехойты Фатимæ.
Батальон «Алани»-йы фыццаг бархионтæй иу Кæркуысты Иракли сæрмагонд æфсæддон операцийы уыдис йæ райдианæй. 2022-æм азы æфсæддон цы хæдтулгæйы бадтис, уый срæмыгътой. Иракли уæд фæцæф.
Иракли, сæрмагонд æфсæддон операцийы уæвгæйæ, йе *фсæддон хæлæрттæн куыд æххуыс кодта, афтæ кæны ныр дæр. У «Фыдыбæстæ хъахъхъæнджыты» фонды регионалон хайады социалон координатор. Срæмыгъды рæстæг йе *нæниздзинад фæцудыдта. Уæдæй нырмæ йæ фæхъæуы диспансеризаци ацæуын.
Ираклиимæ йе *нæниздзинады уавæр сбæрæг кæнынц сæрмагонд æфсæддон операцийы иннæ ветерантæ дæр. æрвылаз ацæуынц диспансеризаци. æнцонвадат уавæртæ саразынæн та сын æххуыс кæнынц «Фыдыбæстæ хъахъхъæнджыты» фонды филиал Цæгат Ирыстоны æмæ æнæниздзинад хъахъхъæнынады министрад. 1-аг, 4-æм æмæ 7-æм поликлиникæты ветеранты дохтыртæм рады лæууын нæ фæхъæуы.
Куы бахъæуа, уæд специалисттæ ацæудзысты хæдзармæ дæр. «Фыдыбæстæ хъахъхъæнджыты» фонды филиалы минæврæттæ медицинон куыстуæттæм баласынц йæ бон цæуын кæмæн нæу, ахæм æфсæддонты. Афæдзы райдианæй диспансеризаци ацыдысты сæрмагонд æфсæддон операцийы ветерантæй 300-йæ фылдæр.
Диспансеризаци ацæуыны тыххæй ветераны бацæуын хъæуы бынæттон поликлиникæмæ. Регистратурæйы бацагурынц паспорт æмæ хæстон цауты æвдисæндар. Уымæй уæлдай ма курдиат бахæссæн ис «Фыдыбæстæ хъахъхъæнджыты» фонды филиалмæ дæр.
