Разамынд ын лæвæрдта ахуырады æмæ наукæйы министр Алыбекты Эллæ
Цæгат Ирыстоны ахуырады кусджыты дæсныйад уæлдæргæнæн институты ацыд, ирон литературæйы ахуырадон пособитæ æмæ программæтæ царды рауадзыны кусæг къорды æмбырд. Разамынд ын лæвæрдта ахуырады æмæ наукæйы министр Алыбекты Эллæ. Куыд загъта, афтæмæй, программæйы автортæ ахуырады хæрзхъæддзинадмæ æмæ ирон литературæйы рæзтмæ, æмгтæй райсгæйæ, хæссынц ахадгæ æвæрæн. Æмбырды фæлгæты иумæйагæй æрныхас кодтой, программæйы хатдзæгтæгæнæн проектыл. Сæ хъуыдытæ загътой, республикæйы наукон æхсæнад æмæ педагогтæ, цæгатирыстойнаг периодикæйы редакторон хыгъды уæнгтæ, фысджыты цæдисы æмæ Хетæгкаты Къостайы номыл национ – культурон центры минæвæрттæ. Программæйыл куыст цыди 2021-æм азæй фæстæмæ, ахуырады федералон паддзахадон стандартты фæстаг домæнтæ хынцгæйæ. Проект аразгæйæ, хыгъд æрцыдысты, экспертон кусæг къорды чи ис, уыцы ирон æвзаджы æмæ литературæйы ахуыргæнджыты фæндонтæ æмæ фиппаинæгтæ.
Ахуырадон æрмæгимæ æмæ йæм цы методикон пособитæ бацæттæ кодтой, уыимæ, республикæйы скъолаты базонгæ уыдзысты ацы азы сентябры. Æмбрыды рæстæг, экспертон совет йæ хъуыдытæ загъта, Цæгат Ирыстоны скъолаты ирон литературæйы урокты хæрзхъæддзинадыл кусынæн фидæнмæ бæлвырд нысанты æмæ хæсты тыххæй.
