Хъазанæй сласта 4 дипломы, 4 кубокы, премитæ æмæ сертификат 40 мин сомæн
Цæгат Ирыстоны аивæдты лицейы ансамбль «Арион» сси фыццаг къæпхæны лауреат нырыккон æмæ адæмон сфæлдыстады æппæуæрæсеон конкурс-фестиваль «Гравитаци»-йы. Хъазанæй сласта 4 дипломы, 4 кубокы, премитæ æмæ сертификат 40 мин сомæн. Ансамбль адæмы размæ рахаста 4 кафты: Хонгæ, Хохаг, чызджыты æмæ дагестайнаг кæфтытæ. Æдæппæтæй фестивалы архайдта 50 коллективæй фылдæр Уæрæсейы алы регионтæй. Бæстондæр радзурдзæн Чехойты Фатимæ.
Алы змæлды дæр уæздандзинад, аив æмæ рог уæнгты айст. Ирон кафт куыд домы, афтæ. Ансамблы уæнгтæ æрмæст музæкæмæ нæ хъусынц, – ахсынц сæ разамонæджы алы ныхас дæр. Репетицийы дæр, цыма залы адæмæй къух бакæнæн нæй, афтæ арæхстджынæй кафынц. Цæмæй концертты æмæ конкурсты сæ дæсныйад æнæ рæдыдтæй æвдисой.
Ансамблы репетицитæ фæцæуынц æрмæст къуыри дыууæ хатты, иу сахат æмæ *рдæджы бæрц. Фæлæ уыцы рæстæгмæ дæр лæппутæ æмæ чызджытæ сæхиуыл афтæ æнтыстджынæй бакусынц, æмæ свæййынц конкурсты уæлæхиздзаутæ бæстæйы сæйраг горæтты. Мæскуы æмæ Санкт-Петербурджы Гран-При рамбулыны фæстæ, ансамбль абалц кодта Хъазанмæ. Бацæттæ кодта 4 кафты. Уыдонæй алкæцыдæр сси фыццаг бынаты аккаг.
Æрыгон кафджытæн сæ фылдæрæн ацы конкурс фыццаг нæу. Уымæ гæсгæ сценæмæ рацæугæйæ тыхсгæ нæ кодтой. Артистты уымæ *вдæлгæ дæр нæ кодта – фестиваль лæвар кодта зæрдæйæн æхсызгон æнкъарæнтæ.
Ацы лæппутæ æмæ чызджытæй алчидæр, Кавказы адæмы хаттыты кафтыты хуызæн, у уникалон. Уый тыххæй аивадон разамонæджы *рдыгæй алкæмæдæр ис хицæн ахаст.
Ансамбль «Арион»-ы æнтыстдзинады сусæгдзинад хуымæтæг у. Уæлахизмæ тырнгæйæ, æрыгон кафджытæ нæ рох кæнынц аивадæй æхсызгон æнкъарæнтæ исын.
