10 ноября 2021, 13:37
Цæгат Ирыстоны академион театр фыццаг хатт архайдзæнис нудæсæм дунеон театралон форум «Сызгъæрин витязь 2021» – ы
Мæскуыйы Армен Джигарханяны театры равдисдзæнис Шекспиры трагеди Ричард æртыккæгæм
Цæгат Ирыстоны академион театр фыццаг хатт архайдзæнис нудæсæм дунеон театралон форум «Сызгъæрин витязь 2021» – ы. Дыууын æхсæзæм ноябыры, Мæскуыйы Армен Джигарханяны театры равдисдзæнис Шекспиры трагеди Ричард æртыккæгæм. Спектакль сæвæрдта Уалыты Гиви. Уæ зæрдыл уын æрлæууын кæндзыстæм — «Сызгъæрин Витязь» у, Уæрæсейы кæй аразынц, уыцы егъаудæр дунеон театралон форумтæй иу. Æмæ дзы ирыстойнаг театр кæй архайы, уый банымайæн ис стыр æнтыстдзинадыл.