Ахæм хæс аппаратон æмбырды радта республикæйы сæргълæууæг
Цæгат Ирыстоны арæзт æрцæудзæн сæрмагонд æфсæддон операцийы архайджытæй протезтæ кæй хъæуы, уыдонæн сæрмагонд реестр. Ахæм хæс аппаратон æмбырды радта республикæйы сæргълæууæг. Ацы куыст сæххæст кæнын хъæуы, протезтæ кæм кæнынц, уыцы организациимæ æмгуыстад кæныны нысанимæ. Цæгат Ирыстоны профилон филиал байгом кæныны тыххæй, Сергей Меняйлойæн Санкт-Петербурджы æппæтадæмон экономикон форумы фæлгæты уыди цалдæр фембæлды. Аппаратон æмбырды ныхас цыди æндæр фарстатыл дæр. «Уæллаг Ларс»-ы уылты ахизынмæ сæ радмæ æнхъæлмæ кæсынц 4 сæдæ уæзласæн машинæйы. Уыдонæй 2 сæдæ машинæйы рады сты электрон хуызы. Цæстдаринаг хъуыддæгтæй иу – республикæйы хæххон районты зынгсирвæзтытæй тæссаг кæй у, уый, радтой йын 4-æм кълас. 8 хъæуы дзы снысан кодтой сæрмагонд фæтк. Æмбырды архайджытæ се ргом аздæхтой национ проекттæ куыд æххæстгонд цæуынц, уымæ. Бæрæггæнæнтæ равдыстой 48 процентæй гыццыл фылдæр. Паддзахадон программæтæ та абоны онг æххæстгонд сты 51 проценты.
