Æрхъуыдыгонд цаумæ гæсгæ, Хуссар Æфсæддон зылды 58-æм æфсады аэромобилон къорд скуынæг кодта терористты лагерь.
Цæгат Ирыстоны арæзт æрцыд æппæтадæмон форум «Армия – 2019»-ы генералон тренировкæ.
Æрхъуыдыгонд цаумæ гæсгæ, Хуссар Æфсæддон зылды 58-æм æфсады аэромобилон къорд скуынæг кодта терористты лагерь. Æппæтадæмон форум уыдзæн Дзæуджыхъæуы авиацион-спортивон клуб ДОСААФы 28-æмæй – 30-æм июны онг. Йæ феныны фадат уыдзæн алкæмæн дæр. Сæрмагонд цæттæгæнæн мадзæлттæ æххæст кæнгæйæ, аэромобилон къорд равдыста йæ арæхстдзинад Тарскæйы полигоны. Хъуыди сæ вертолет стæхын кæнын æмæ æрбадын кæнын. Ахуырты архайдтой фистæгæфсæддонтæ æмæ танкисттæ. Форумы фæзты равæрдтой æфсæддон техникæйы 90 машинæйы. Се хсæн уæззау системæ «Солнцепек», фистæгæфсæддонты машинæтæ, танктæ æмæ бронетранспортертæ, бирæвæрсыг автомобильтæ «Тигр» æмæ æндæртæ. Фыццаг хатт форумы равæрдзысты алыхуызон вертолеттæ дæр.
