Республикæйы цæрджытæн алы къабæзты куысты ныллæуыны фадат радтой 70 куыстдæттæджы
Цæгат Ирыстоны дыккаг аз фæд-фæдыл арæзт æрцыд куыстдæттыны æппæтуæрæсеон армукъа «Уæрæсейы куыст. Гæнæнты рæстæг». Равæрдтой йæ æртæ фæзы – Рахизфарсы æмæ Горæтгæрон районты, стæй Дзæуджыхъæуы Ленины фæзы. Республикæйы цæрджытæн алы къабæзты куысты ныллæуыны фадат радтой 70 куыстдæттæджы. Сæ стендтæ дзы равæрдтой стыр компанитæ: «Мамысон», газуарæн, дзидзайы куыстгæнæн æмæ æндæр куыстуæттæ. Адæмæн дзы ис сæ профессионалон фæндаг аивыны гæнæнтæ. Армукъайы куысты бынæттæй уæлдай базонгæ уæвæн уыдис фæллойы базарады нырыккондæр æууæлтимæ. Армукъа баиу кодта куыст чи агуры æмæ йæ чи дæтты ахæм æхсæнады. Уый, гыццыл æмæ астæуккаг бизнесæй райдай, æмæ егъау корпорацитæй фæуы. Архайджытæн ам фадат уыдис уыцы-иу рæстæг цалдæр куыстдæттæгимæ аныхас кæнынæн, зæрдæйы фæндон куыст равзарынæн, уыимæ куыд республикæйы, афтæ æндæр регионты дæр.
