Ацы аз диктант ныффыссынæн бацæттæ кодтой 200 фæзæй фылдæр, куыд Дзæуджыхъæуы, афтæ республикæйы æппæт районты дæр
Цæгат Ирыстоны арæзт æрцыд патриотон акци «Уæлахизы Диктант». Ацы аз диктант ныффыссынæн бацæттæ кодтой 200 фæзæй фылдæр, куыд Дзæуджыхъæуы, афтæ республикæйы æппæт районты дæр. Се хсæн цымыдисаг бынæттæ дæр. Зæгъæм, æфсæддон-историон комплекс «Барбашговы фæз», æмæ Суаргом хъахъхъæнджыты музей Майрæмададжы. Ацы дыууæ территорийы дæр баст сты Фыдыбæстæйы Стыр хæстимæ. Диктант фыссыны сæйрагдæр фæзтæ та сты Национ музей æмæ регионы æхсæндаон æххуысы Штаб. Патриотон акцийы бацархайыны бон у дистанцион хуызы дæр, сайт диктантпобеды.рф.-ы. Хъæуы 25 фарстæн дзуапп раттын. Уыдонæй 20 фарсты иумæйаг æфсæддон-историон тематикæйæ, 5 та – регионалонæй. «Уæлахизы Диктант» арæзт цæуы «Иугонд Уæрæсе»-йы партион проект «Историческая память» æххæст кæнгæйæ.
