Сæ компани-аразæг адæмы размæ рахаста ног автобусты 4 моделы
Цæгат Ирыстоны арæзт æрцыд техникæ «ГАЗ»-ы презентаци. Сæ компани-аразæг адæмы размæ рахаста ног автобусты 4 моделы. Уыдоны фæрцы сног кæнынмæ хъавынц республикæйы автопарк. Ног автобустæ сты нырыккон техникон домæнтæм гæсгæ арæзт. Уæдæ бæлццæттæн дæр сты æнцонархайд. Цæгат Ирыстоны разамынд фæнд кæны компаниимæ дæргвæтин æмгъуыдмæ æмгуыстады бадзырд бафыссын.
Ацы машинæты хæрзхъæддзинадыл дзурæг у се ддаг бакаст дæр. Нырыккон гæнæнтæй æххæст кæй у, уый фæрцы йыл у æнцондæр цæуæн. Цæгат Ирыстоны равæрдтой хæдтулгæты 4 моделы. Сæ алкæцыйæн дæр дзы ис йæхи хицæндзинæдтæ. Баст сты, цы регионы кусдзысты, уый æууæлтимæ.
Дыууæ мæймæ Цæгат Ирыстоны «ГАЗ»-ы техникæйы презентаци арæзт æрцыд дыккаг хатт. Республикæйы сног кæнын хъæуы автопарк 100 проценты, уый та у 190 машинæйы. Фыццагтæ фæнд кæнынц ацы аз балхæнын. Автобустæй пайда кæндзысты регионты æмæ муниципалитетты хсæн адæм ласгæйæ. Ног техникæ балхæныны фæстæ, хицауады бон уыдзæн сæрмагонд фæндаггон тариф сфидар кæнын.
Бæлцæтты æнцондзинад æмæ æдасдзинад. Республикæйы рагæй хъæуы æхсæнадон транспорты парк баивын. Уынгты цы автобустæ цæуы, уыдоныл, рæстæмбис нымадмæ гæсгæ, цæуы 14 азæй фылдæр. Иуæй иутæ æлхæд æрцыдысты 2000 азы.
Ацы хуызы автобустæ лæггад кæнынц Бæстæйы бирæ субъектты цæрджытæн, уыимæ Мæскуыйы дæр. Сæ уæвæртæ æмæ гæнæнтæм гæсгæ сæ абарæн ис, фæсарæнты цы автобустæ кусы, уыдонимæ. Фæлæ фыдыбæстон транспортмæ цæстдарын та у асламдæр.
Фидæны Цæгат Ирыстон æмæ автобустæ ласæг куыстуатимæ дæргъвæтин рæстæгмæ фæнд кæнынц æмгуыстады бадзырд бафысын. Транспорты техникон цæттæдзинадмæ та йæ цæст дардзæн куыстуат «Нырыккон транспортон технологитæ».
