Сæ хъарутæ дзы бавзæрстой нæ бæстæйы алы регионтæй спортсментæ
Цæгат Ирыстоны арæзт æрцыд Уæрæсейы чемпионат бæхыл бадыны 3 хуызы ерыстæй. Сæ хъарутæ дзы бавзæрстой нæ бæстæйы алы регионтæй спортсментæ. Чемпионаты фæлгæты ма ацыд Æппæтуæрæсеон турнир республикæйы сæргълæууæджы приз рамбулынæй æмæ æппæтуæрæсеон физкультурон турнир юниорты *хсæн. Бæстондæр радзурдзæн Чехойты Фатимæ.
Екатерина Набатчиковайæн Уæрæсейы чемпионат у йæ профессионалон спортивон царды ног сæргонд. Йæ иузæрдион хæлар Звездный Дождимæ сси турниры хуыздæр архайджытæй иу. Сызгъæрин майдан у йæ уæлахизты хай.
Цæгат Ирыстонмæ ссыдысты 14 спортивон къайы бæстæйы 7 регионæй. 3 боны ерыс кодтой манежы цыдæй, кроссæй æмæ конкурæй. Республикæйы иугонд командæйы капитан Хъуысаты Алан иу хаттæй иннæмæ сбæлвырд кæны йæ цæттæдзинады бæрзонд уæлвæзад. Чемпионаты рамбылдта сызгъæрин æмæ *взист майдантæ. Йæхи хатдзæгтæй тынгдæр спортсмен æмæ тренер тыхсти йæ ахуырдзауты бæрæггæнæнтыл.
Чемпионаты фæлгæты арæзт æрцыдысты республикæйы сæргълæууæджы приз рамбулыны ерыстæ æмæ æппæтуæрæсеон физкультурон турнир юниорты *хсæн. Алы уæлахиз дæр уыд командæйы æнгомдзинад æвдисæн. Тамила Бабичева у æнтыстджын спортсменкæтæй иу. 3 азы цæуы чызг бæхты скъоламæ æмæ алы хатт дæр свæййы ерысты призер. Йæ хæзнадоны ис алыхуызон майдантæ. Ивгъуыд турниры равдыста хорз цæттæдзинад. Бацахста 2-аг бынат манежон цыды, 3-аг та – конкуры.
Цæгат Ирыстон фыццаг хатт суазæг кодта Уæрæсейы чемпионат бæхыл бадыны 3 хуызæй ерыстæй. Æмæ равдыста, республикæйы бæхты спортивон скъола федералон уæлвæзады ерыстæ саразынмæ цæттæ кæй у, уый.
Чемпионат саразджытæ куыд фæбæрæг кодтой, афтæмæй ацы ерыстæ уыдысты сезоны кæронбæттæн хай. Фæлæ спортсментæ сæ тренировкæтæ не *рлæууын кодтой. Сæхи цæттæ кæнынц ног ерыстæм.
