05 ноября 2020, 13:16
Цæгат Ирыстоны арæзт уыд «Егъау этнографион диктант»
Уый у æппæтуæрæсеон тест, æмæ бæрæг кæны нæ бæстæйы цæрæг адæмты культурæйы зонындзинæдтæ
Цæгат Ирыстоны арæзт уыд «Егъау этнографион диктант». Уый у æппæтуæрæсеон тест, æмæ бæрæг кæны нæ бæстæйы цæрæг адæмты культурæйы зонындзинæдтæ. Диктант фыст цыд Уыналы, Цæллагты мæсыджы комплексы. 15 ахуыргæнæджы хъуамæ дзуапп радтаиккой 30 фарстæн. Ацы аз пандемийæйы аххосæй акци арæзт цæуы онлайн хуызы, фæлæ Цæгат Ирыстоны йæ сарæзтой традицион хуызы. Тест фыст цыди уæлдæфы, æппæт хи хъахъхъæныны фæрæзтæ æххæст кæнгæйæ.
Ахæм уынаффæ ма хаст æрцыд уымæ дæр, æмæ диктанты архайджыты æрæмбырд кодтой, национ культурæ æмæ традицитимæ комкоммæ баст чи у, ахæм бынаты.
